You Are Here: Home» bisnis , kabupaten mimika , timika » Mama-mama Minta Pemda kasi Aktif Pasar Kamoro Jaya

TIMIKA -  Mama mama dong yang di jalan lampu merah Kampung Wonosari Jaya, Distrik Wania ada minta pemda supaya perhatikan dong pu pasar baru yang ada di Kampung Kamoro Jaya.

Mama satu,nama Meri Kapirapu bilang kalo pemerintah tra berikan dorang hak yang dong harus dapat. Baru pemda dong kasi untuk orang lain.

“Pasar itu sebenarnya untuk siapa? Karena torang sama sekali tra dapa kasih tau sama Pemda dan Distrik untuk jualan di situ,” mace Meri de bilang ke Salam Papua hari Sabtu (9/5).

Mama-mama ini dong berharap spaya, dorang bisa dapa kasi ijin untuk jualan di pasar baru. Trus, supaya dong stop jualan di depan jalan masuk ke Kampung Wonosari.

“Kalo memang untuk torang seharusnya pemerintah tu bisa kasi pindah torang ke situ,  skalian juga masalah pangkalan taksi yang dong bisa dibuat disitu, supaya torang tra dua kali keluar uang untuk sampe di pasar,” mama Meri de minta.

Mace Agustina, yang jualan di tempat itu juga minta supaya pasar itu tra dapa kasi biar begitu saja karna bisa jadi  tempat kumpul anak-anak aibon sama orang mabuk.

“Jang pasar itu dapa kasi biarkan saja begitu, baru  kasih tempat itu untuk orang mabuk dengan anak-anak aibon yang jaga pasar itu,” amce de bilang. [ZA1]

0 komentar

Leave a Reply

X